Nais foon diling, 15.10.2018
15.10.18, 09:03:13 von FriiskForiining
We hääwe moundi, di 15ste önj e stormmoune
Loonwirtschap
Eefter e mounelung drööghäid koone ärj bedrååwede böre önj Slaswik-Holstiin ouf diling bait lönj stipe insäke. Et loonsåmt for loonwirtschap, amwråål än loonlike rööminge namt e insäkne online önjtiinj. Et koon heelp foon 2500 bit 500.000 euro lååsted wårde. Huum sin insäken bit tu e 2de nowämber inlångt, koon nuch jarling et jarst giilj füünj. Ouers låpt e frist bit tu e 30ste nowämber. Bit tu 50 % foon e hiilje schååse koone betååld wårde. Eeftert taksiiren foont loonwirtschapsministerium belåpt ham e schååse döör e drööghäid aw süwat 422 miljoone euro. Fort önjtschååsien fliitje åltens 10 miljoone euro foon e bund än foont lönj. Giilj jeeft et bloot dan, wan e naturaalerdråch aw eeker än gräinlönj am mör as 30 % latjer ütfälj as önjt madelmätj foon e leeste trii iir.
Harfsthuuchschölj
Ma gruten erfålg gäng änjörsne et Harfsthuuchschölj 2018 foon e Friisk Foriining tu iinje. Süwat 60 diiljnaamere hääwe foon törsdi bit saandi önjt Jaruplund Hojskole bai Flansborj tuhuupe laawed, frasch snååked, basteld, süngen unti önj årbesfloose årbed. Ma süsti diiljnaamere as e kapasitäät önj Jarplund bit tu e gräns ütlååsted, et interäse as ouers gruter. Uk jarling schölj geschäftsfäärer Ilwe Boysen wi en ra manschne en oufboose düünj, ouerdåt´s tu lääs wjarn än niinj frien plåås mör füngen. Et as en gou tiiken, dåt suk en üülj format as et harfsthuuchschölj ouer mör as 30 iir ninte foon sin atraktiwitäät ferlääsen heet, håt et foon e Foriining.
Wääder, wååder än moune
Et läässamerlik wääder önj Nordfraschlönj hålt nuch en lait önj. UK diling san we foole sanschin än temperatuure bit knååp ouer 20 grood fermousem. E win wait swåk foont sööden. Mjarne blaft et nuch iinjsen sü as diling, jarst weensdi schal et dan sani wi harfst wårde.
Da näiste biise tunge huuchwååder önj Doogebel foue we eeling am 4 minuute for soowen än dan wi mjarne eeder am 7 minuute ouf soowen.
E moune namt tu.
Än tuleest nuch et frasch uurd foon diling:
Di klak: En klak as en fäägel unti en bråk, wat en sååge hanert än wees perfäkt. En
klak koon ouerdreegen uk en schånde weese. Di klak.
En tiinjst foon e
Friisk Foriining
www.friiske.de
Loonwirtschap
Eefter e mounelung drööghäid koone ärj bedrååwede böre önj Slaswik-Holstiin ouf diling bait lönj stipe insäke. Et loonsåmt for loonwirtschap, amwråål än loonlike rööminge namt e insäkne online önjtiinj. Et koon heelp foon 2500 bit 500.000 euro lååsted wårde. Huum sin insäken bit tu e 2de nowämber inlångt, koon nuch jarling et jarst giilj füünj. Ouers låpt e frist bit tu e 30ste nowämber. Bit tu 50 % foon e hiilje schååse koone betååld wårde. Eeftert taksiiren foont loonwirtschapsministerium belåpt ham e schååse döör e drööghäid aw süwat 422 miljoone euro. Fort önjtschååsien fliitje åltens 10 miljoone euro foon e bund än foont lönj. Giilj jeeft et bloot dan, wan e naturaalerdråch aw eeker än gräinlönj am mör as 30 % latjer ütfälj as önjt madelmätj foon e leeste trii iir.
Harfsthuuchschölj
Ma gruten erfålg gäng änjörsne et Harfsthuuchschölj 2018 foon e Friisk Foriining tu iinje. Süwat 60 diiljnaamere hääwe foon törsdi bit saandi önjt Jaruplund Hojskole bai Flansborj tuhuupe laawed, frasch snååked, basteld, süngen unti önj årbesfloose årbed. Ma süsti diiljnaamere as e kapasitäät önj Jarplund bit tu e gräns ütlååsted, et interäse as ouers gruter. Uk jarling schölj geschäftsfäärer Ilwe Boysen wi en ra manschne en oufboose düünj, ouerdåt´s tu lääs wjarn än niinj frien plåås mör füngen. Et as en gou tiiken, dåt suk en üülj format as et harfsthuuchschölj ouer mör as 30 iir ninte foon sin atraktiwitäät ferlääsen heet, håt et foon e Foriining.
Wääder, wååder än moune
Et läässamerlik wääder önj Nordfraschlönj hålt nuch en lait önj. UK diling san we foole sanschin än temperatuure bit knååp ouer 20 grood fermousem. E win wait swåk foont sööden. Mjarne blaft et nuch iinjsen sü as diling, jarst weensdi schal et dan sani wi harfst wårde.
Da näiste biise tunge huuchwååder önj Doogebel foue we eeling am 4 minuute for soowen än dan wi mjarne eeder am 7 minuute ouf soowen.
E moune namt tu.
Än tuleest nuch et frasch uurd foon diling:
Di klak: En klak as en fäägel unti en bråk, wat en sååge hanert än wees perfäkt. En
klak koon ouerdreegen uk en schånde weese. Di klak.
En tiinjst foon e
Friisk Foriining
www.friiske.de
Download MP3 (2,9 MB)
