http://www.friiske.de E radiosiinjing "Nais foon diling" brängt arken däi foon moundi bit fraidi da aktuäle tisinge üt Nordfraschlönj än trinambai. E siinjing låpt aw e Friisk Funk (96,7 MHz önjt norden / 98,80 MHz önjt sööden foon NF) än uk aw lokaale siinjer Antenne Sylt (önjt hiil Söödslaswik önjt kaabelneet aw UKW 89,8 MHz). Aktualisiird wårt åltens warkeldäis am e kl.09:00 d.m. Sun, 26 May 2013 09:10:42 +0200 Friisk Foriining www.podhost.de - Hosting your podcasts Friisk Foriining Friisk Foriining 20 fraidi, di 24ste önj e krölemoune Hålilönj E bund wal ai mör for e küsteschööl foon Hålilönj betååle än heet deerma en bunke kritiik üt Slaswik-Holstiin ütliised. Önj en bräif tu slaswik-holstiins küsteschöölminister Robert Habeck seet ham bundesferkiirsminister Peter Ramsauer for en nai fååstleeden foon e tustönjihäid fort unerhüüljen foont nordfrasch huuchsiiailönj in. Habecks reaksjoon wus ärj. Hi smiitj e CSU-minister for en hääw e histoorie ferjin. E bund kamt sunt 1961 for e schööl foon e ailönj-sokel ap. Et Flensburger Tageblatt häi awfoorie ouer e forgung beruchted. Hüsem Iinj foon e grutste räädingsööwinge önj e histoorie foon Slaswik-Holstiin schal made juuni aw e Hindenborjdoom luupe. Ma 450 inseetkreefte wårt en nåchtlik suchmalöör aw e doom twasche Sal än e fååstewål simuliird, diiljden e kris än e krisfüürweerferbånd Nordfraschlönj änjörsne ma. Da heelpere wårde jam am süwat 80 fersiirde kiire. Tu e tsenaarie hiirt eefter ütkunft uk en pasjäntetranspoort ma e räädingssuch tut terminal foon e autosuch. Uner e diiljnaamere san e räädingstiinjst foon e kris Nordfraschlönj än e näiberkrise, et rüüdj krüs, e politii än et nüüdjfålmanagement foon e tjüsch boon. Müüls as et praktiisch ouerpräiwen foon e inseetkontsepsjoon foon 2011. Hålilönj Möre hunert weest-, ååst- än nordfrasche drååwe jam dåtheer waagiinje aw Hålilönj tut tradisjonäl Friesendroapen üpt Lunn. Åle trii jeeft et dåtdeer grutst interfrasch meeting. Ma deerbai san ai bloot dråchte- än doonsfloose. Jarling fort jarst tooch kaame uk frasche madelålerferiine ma än ruchte en swjartkåmp-weetstrid üt. Nai as jarling uk en fötjbålturniir. Wääder, wååder än moune Et wääder diling as döörwüksen. Di mjarn koone nuch hu droope rin dilkaame. Ouf di lääsere formadi wårt et dan ouers fründliker än di eeftermadi wårt uk e san tu schüns weese. Et termomeeter blaft bai käile 11 grood. Mjarne än saandi schan we dan ouer e hiilje däi ma en måse rin räägne. Da temperatuure anere jam ai grut. Di win wait diling frisch üt weestlike ruchtinge. Da näiste biise tunge huuchwååder önj Doogebel hääwe we tumadi am 12 minuute ouf tou än dan wi nåchtling am 16 minuute for trii. Di moune namt nuch tu, fulmoune as mjarne eeder. Än tuleest nuch üüs spräkeuurd foon diling Wan e kåte bai e buum kläise foue we rin. En tiinjst foon e FRIISK FORIINING www.friiske.de Friisk Foriining Fri, 24 May 2013 08:59:08 +0200 4f2c1290fcfbf9e46f9e31a57af57de5 http://friiskforiining.podspot.de/post/nais-foon-diling-24052013/